Menntun skapar þekkingu - Sjómennt skapar tækifæri!

Sjómennt, fræðslusjóður sjómanna: Samtök atvinnulífsins (SA), Landssamband íslenskra útvegsmanna(LÍÚ) og Sjómannasamband Íslands (SSÍ) hafa gert með sér samkomulag um starfsmenntun sjómanna.   Aukin hæfni og starfstengd menntun sjómanna eru nauðsynlegir þættir í meiri framleiðni og bættri samkeppnisstöðu útgerða íslenskra fiskiskipa.   Markmið Sjómenntar: Að treysta stöðu sjómanna á vinnumarkaði með því að gefa þeim kost á að efla og endurnýja þekkingu sína og gera þá hæfari til að takast á við ný og breytt verkefni.   Með Sjómennt eiga sjómenn þannig kost á námi, hver á sínu sviði í tengslum við sitt starf (Sjá reglur um einstaklingsstyrki).     Sjómennt styrkir starfstengt nám og námskeið fyrir sjómenn! Sjómennt styrkir útgerðarfyrirtæki til námskeiðahalds fyrir sína starfsmenn! Sjómennt styrkir þarfagreiningar og nýjungar í námsefnisgerð! Sjómennt styrkir þróunarverkefni!     Sjómenn!  Kynnið ykkur möguleikana á námi og námskeiðsframboð Tækniskólans  - smellið á merkið hér til hliðar!   Nýjar reglur um styrkveitingar tóku gildi 19. nóvember 2008, sjá nánar hér.       Verkefnisstjóri Sjómenntar er Anna Vilborg Einarsdóttir, s. 514 9601, netfang sjomennt@sjomennt.is

6. maí 2010   Þitt val - þín leið náms- og starfsráðgjöf fyrir sjómenn   Föstudaginn 30. apríl s.l. kynnti Sólrún Bergþórsdóttir útgáfu DVD disksins fyrir samstarfsaðilum og styrktaraðilum verkefnisins sem eru: Fræðslumiðstöð atvinnulífsins, Sjómennt (fræðslusjóður sjómanna), Landsamband íslenskra útvegsmanna (LÍÚ) og Viska, fræðslu- og símenntunarmiðstöð Vestmannaeyja. Í starfi sínu sem náms- og starfsráðgjafi í Eyjum átti Sólrún í erfiðleikum að ná til sjómanna til að kynna þeim sína námsmöguleika. Þess vegna ákvað Sólrún að nýta sér tæknina og koma með kynninguna út til sjómannanna þ.e. í sjálfa bátana. Á DVD diskinum er að finna almennar upplýsingar út á hvað náms- og starfsráðgjöf gengur, viðtal við náms- og starfsráðgjafa og síðast en ekki síst að þá eru viðtöl við fjóra sjómenn sem hafa farið í nám samhliða sínum störfum. Þar segja þeir frá sínum kringumstæðum, hvernig námið hafi gengið og stöðu sinni í dag.     Frétt tekin af vef Fræðslumiðstöðvar atvinnulífsins     SSÍ   SA   LÍÚ